دحرِج الحجر عن حجرنا 3/30/2021

بِبدايِةْ الأسبوع المقدّس،

قرّرنا  ناخُد Break  من المواد العلميّة والأدبيّة بصفوفنا الثّانويّة،

قرّرنا نتخطّى حاجز المرض والأزمة الإقتصاديّة ونحطّ عا جنب كلّ مصدر خوف، تعب، إنعزاليّة، غضب...

قرّرنا نشارِك بِوقفة روحيّة مع أبونا رولان عوكر، مدير مدرسة التّوجيه الإجتماعي بالمروج، اللي عَطانا من وقتو، بِلِقاء عبر TEAMS.

أبونا عوكر ذكّرنا بهويّتنا الأصليّة، أبناء الله المُمَيزين؛ وهالحقيقة هيّي اللي بتخلّينا مليانين ثقة بِالله الواحد، مصدر الحُبّ والفرح الحقيقي، وبتساعدنا نطلع من تَقَوْقُعْنا ونروح صوب القريب، صوب الآخر.

هالمسيرة بتحوِّلنا كمان لأشخاص قادرين نسامِح، ونْحِبّ، على ضوء كلّ اللي علّمنا اياه يسوع (صلاة الأبانا، اللقاء بالمرأة الزّانية، مسامحة القريب...) أو اختبرو (الآلام والصّليب...)عالطّريق اللي مِشاه تا يحَرّرنا من الموت والخطيّة.

N.B.: cliquer-ici pour les photos